الحلم مش هيموت

متيأسيش يا بلد الحلم مش هيموت ..
مهما عِلِي الجلاد واستأسِد الهلفوت ..

ومتزعليش يا بلد ان كان شهيدك مات ..
ولا تلبسيش اسود ولا تسكبي الدمعات

ام الشهيد صابرة .. والصبر ماله حد
والظلم عبّى الجند وبقينا وقت الجد

لا طاطا وشفيقه هيلبسونا سواد
ولا يوم هيرجع فل يترأسك يا بلاد

لو كان شبابنا اتقتل يسترجل المولود
جيلنا يسلم جيل والجود من الموجود

ان كان معاهم فل ماسك فـ ايده سوط
فمعانا صوت الحق والرب فوق موجود ..