انا مش معاهم .. أنا معاكي

بعد الرياضة والطرب
عم الغضب
ابنٌ وأم
خالُ وعم
طفل يحركه الامل
رغم المشقة والنّصب
كلٌ يهم لأمرها
مصر الأهم
لا صوت يعلو فوقها
مصر العرب
أم الدنا
كيفا .. وكم
.............................

.............................


البلد باظت ..
حكومة فاسدة
وزراء رجال اعمال
رشاوي وتدهور في كافة المجالات
وسايط ومحسوبيات
بلطجة وقمع
بطالة وفقر وجهل

قامت الثورة ..

راحت الحكومة
وراح الوزراء واتفكت الاعمال
ونزل الجيش ومسك البلد
ولسه متحلتش القضية

هنا مربط الفرس !!

وهنا القضية اللي لازم نفهمها كويس

هل العيب في الحكومة السابقة ؟
أم في المجلس العسكري الحالي ؟
أم في الشعب الحالي ؟
أم في سيناريو الشرق الأوسط ؟

برحيل حسني مبارك وحكومته اتحلت نصف القضية
مش عايز أكون سلبي أو محبط بس لازم اكون واقعي ومتفهم جدا للمرحلة القادمة
لانها مرحلة حرجة بكل المقاييس

لازال هناك اعتصامات في ميدان التحرير
وانا بكتب الكلام ده عارف ان اخويا معاهم في ميدان التحرير
وبيهتف بعلو الصوت :
شيلوا طنطاوي وحطوا خروف .. يمكن يحكم بالمعروف !!

طبعا هوا واللي معاه حرين في رأيهم ، بس أنا لا أرضى أن يحكمني خروف
هيرد عليا واحد متفلسف ويقول لي مش المقصود خروف حقيقي بس هيا القافية حكمت
هرد واقول هيا الثورة قامت عشان نتجمع ونألف هتافات على القافية
وأشعار موزونة خالية من المضمون وبعيدة عن الواقعية ؟

وهاتوا التلفزيون يصور .. ناشط سياسي أهو
وفلان أو فلانة يلبس اللي على الحبل عشان هيطلع في التلفزيون
وده بقى ناشط بارز مستضيفينه في قناة كذا
ودي بقت عضو ائتلاف معرفش ايه وبتتكلم باسم 85 مليون مصري

انا لم أسمح لأحد أن يتكلم باسمي سابقا ، ولن أسمح لأحد أن يكون وصي عليا مستقبلا

هينط واحد ويسألني : لما رحيل حسنى وزمرته ده نص القضية ، امال القضية تنحل ازاي ؟


هقول له كده انت بدأت تفهم يا وديع .. افطر واشرب كوباية الشاي وارجع اكمل لكم
وكل سنة وانتو طيبين بمناسبة عيد الفطر
ومتنسوش صيام الست من شوال ..

لا تتأسفي

أنَا لا ألومـُـــــك إن نكثتِ عهُودنا
رفقاً بنفسك لا تضـــجّي وتأسفِي

فالطبعُ طبــــعكِ لن يُبدّل نهجــه
دمعــاتُ عيني أو مَلامة أحـرفِي

وقصائدي ورقٌ ســــأُحرِق بعضه
والبعض أتركــه ليشرح موقفِـي

والنبضُ في قلبي دلــــيلُ إدانتـي
ولهيبُ أشواقي إليك سَينــــطفي

ما كان ذنبُكِ أَن لَهـــــوتِ بــوالهٍ
وانا المُـــلام حقيقــةً لــو تعـرفِي

فبرغــم كُل دلائـــل العبــثِ التي
ظهرتْ عليكِ جلـــــيَّة لم أكتفــي

مِن لهوك الأعمَى وسِــرتُ مُغمَّماً
ومتَمتماً : ارجـــــوكِ لا تتَوقفــي

حـواءُ لم تَجلبْ لقلــــبي راحـــةً
ومتى وفتْ بعهُودهَا حتّى تفِــــي


Ahmed Sameer 08/2011

دموع جافة

علميني كيف أدمع

كيف أصرخ

كيف أجهش بالبكاء

أخبريني أن صمتي

سوف يأخذني بعيدا

سوف يقتلني وحيدا

دون نعي أو رثاء

واعذريني ..

إن عشقتك في سكوتي

أو خذلتك في سكوتي

أو فقدتك في غباء

سامحيني .. ليس ذنبي

أنني أخفي دموعي

أبتسم ..

والحزن ينهش في ضلوعي

أدّعي أني بخير

ثم أبكي في الخفاء

تبا لصمت

لا يبوح بما يثور بداخلي

يُخفي جميع مشاعري

بئس العناء !!

صدقيني .. رغم صمتي

رغم اخفائي لنهنهة في صوتي

رغم اظهار بأني لا أبالي

قد بكيتك في الخفاء