بعد الرياضة والطرب
عم الغضب
ابنٌ وأم
خالُ وعم
طفل يحركه الامل
رغم المشقة والنّصب
كلٌ يهم لأمرها
مصر الأهم
لا صوت يعلو فوقها
مصر العرب
أم الدنا
كيفا .. وكم
.............................
.............................
البلد باظت ..
حكومة فاسدة
وزراء رجال اعمال
رشاوي وتدهور في كافة المجالات
وسايط ومحسوبيات
بلطجة وقمع
بطالة وفقر وجهل
قامت الثورة ..
راحت الحكومة
وراح الوزراء واتفكت الاعمال
ونزل الجيش ومسك البلد
ولسه متحلتش القضية
هنا مربط الفرس !!
وهنا القضية اللي لازم نفهمها كويس
هل العيب في الحكومة السابقة ؟
أم في المجلس العسكري الحالي ؟
أم في الشعب الحالي ؟
أم في سيناريو الشرق الأوسط ؟
برحيل حسني مبارك وحكومته اتحلت نصف القضية
مش عايز أكون سلبي أو محبط بس لازم اكون واقعي ومتفهم جدا للمرحلة القادمة
لانها مرحلة حرجة بكل المقاييس
لازال هناك اعتصامات في ميدان التحرير
وانا بكتب الكلام ده عارف ان اخويا معاهم في ميدان التحرير
وبيهتف بعلو الصوت :
شيلوا طنطاوي وحطوا خروف .. يمكن يحكم بالمعروف !!
طبعا هوا واللي معاه حرين في رأيهم ، بس أنا لا أرضى أن يحكمني خروف
هيرد عليا واحد متفلسف ويقول لي مش المقصود خروف حقيقي بس هيا القافية حكمت
هرد واقول هيا الثورة قامت عشان نتجمع ونألف هتافات على القافية
وأشعار موزونة خالية من المضمون وبعيدة عن الواقعية ؟
وهاتوا التلفزيون يصور .. ناشط سياسي أهو
وفلان أو فلانة يلبس اللي على الحبل عشان هيطلع في التلفزيون
وده بقى ناشط بارز مستضيفينه في قناة كذا
ودي بقت عضو ائتلاف معرفش ايه وبتتكلم باسم 85 مليون مصري
انا لم أسمح لأحد أن يتكلم باسمي سابقا ، ولن أسمح لأحد أن يكون وصي عليا مستقبلا
هينط واحد ويسألني : لما رحيل حسنى وزمرته ده نص القضية ، امال القضية تنحل ازاي ؟
هقول له كده انت بدأت تفهم يا وديع .. افطر واشرب كوباية الشاي وارجع اكمل لكم
وكل سنة وانتو طيبين بمناسبة عيد الفطر
ومتنسوش صيام الست من شوال ..
عم الغضب
ابنٌ وأم
خالُ وعم
طفل يحركه الامل
رغم المشقة والنّصب
كلٌ يهم لأمرها
مصر الأهم
لا صوت يعلو فوقها
مصر العرب
أم الدنا
كيفا .. وكم
.............................
.............................
البلد باظت ..
حكومة فاسدة
وزراء رجال اعمال
رشاوي وتدهور في كافة المجالات
وسايط ومحسوبيات
بلطجة وقمع
بطالة وفقر وجهل
قامت الثورة ..
راحت الحكومة
وراح الوزراء واتفكت الاعمال
ونزل الجيش ومسك البلد
ولسه متحلتش القضية
هنا مربط الفرس !!
وهنا القضية اللي لازم نفهمها كويس
هل العيب في الحكومة السابقة ؟
أم في المجلس العسكري الحالي ؟
أم في الشعب الحالي ؟
أم في سيناريو الشرق الأوسط ؟
برحيل حسني مبارك وحكومته اتحلت نصف القضية
مش عايز أكون سلبي أو محبط بس لازم اكون واقعي ومتفهم جدا للمرحلة القادمة
لانها مرحلة حرجة بكل المقاييس
لازال هناك اعتصامات في ميدان التحرير
وانا بكتب الكلام ده عارف ان اخويا معاهم في ميدان التحرير
وبيهتف بعلو الصوت :
شيلوا طنطاوي وحطوا خروف .. يمكن يحكم بالمعروف !!
طبعا هوا واللي معاه حرين في رأيهم ، بس أنا لا أرضى أن يحكمني خروف
هيرد عليا واحد متفلسف ويقول لي مش المقصود خروف حقيقي بس هيا القافية حكمت
هرد واقول هيا الثورة قامت عشان نتجمع ونألف هتافات على القافية
وأشعار موزونة خالية من المضمون وبعيدة عن الواقعية ؟
وهاتوا التلفزيون يصور .. ناشط سياسي أهو
وفلان أو فلانة يلبس اللي على الحبل عشان هيطلع في التلفزيون
وده بقى ناشط بارز مستضيفينه في قناة كذا
ودي بقت عضو ائتلاف معرفش ايه وبتتكلم باسم 85 مليون مصري
انا لم أسمح لأحد أن يتكلم باسمي سابقا ، ولن أسمح لأحد أن يكون وصي عليا مستقبلا
هينط واحد ويسألني : لما رحيل حسنى وزمرته ده نص القضية ، امال القضية تنحل ازاي ؟
هقول له كده انت بدأت تفهم يا وديع .. افطر واشرب كوباية الشاي وارجع اكمل لكم
وكل سنة وانتو طيبين بمناسبة عيد الفطر
ومتنسوش صيام الست من شوال ..
هناك تعليقان (٢):
السلام عليكم اولا
و عيد سعيد ثانيا
و ثالثا عاوز أتكلم عن الست في حالة الولادةالأولى لها ,
تلاقيها شوية بصرخ
و شوية تعض في المخدة
و شوية تشد في ملاية السرير
و شوية تخبط بإيديها
و .....
و في الآخر ينزل الطفل و تهدأ الأم و تعم الفرحة ,
و هذا ما أظنه يحدث في مصر الآن ,
مرحلة مخاض ,
كله عمال يخبط , و ما حدش عارف إيه اللي بيحصله لأنه أول مرة يتحط في الموقف ده ,
لكن بعد التخبيط و الشد و العض ,
البلد هتهدأ إن شاء الله و ترجع لحالتها الأولى , بل أحسن إن شاء الله ,
و متابع معاك بعد الفطار و الشاي :)
تيمي باشا
وانت بالصحة والسلامة يا عسل
جميل التشبيه اللي انت استخدمته
بس عشان تكتمل الصورة حط عند راس الام اللي بتولد زوج بيزعق لها مكنش وقته خالص .. وعلى يمينها الاب والام بيتخانقوا عايزين ولد ولا بنت .. وعلى شمالها ابنين بيتخانقوا عايزين يسموا اللي هيتولد ايه .. وعد رجلها دكتور وممرضة بيتخانوا هتولد طبيعي ولا قيصري
كده ممكن تكون الصورة اقرب للي بيحصل :D
معلش اصلي بعمل كوباية الشاي على شمعه هههه مبفضاش غير يوم الجمعة .. وان شاء الله مواصلين ..
(وردة فواحة) وكل عيد وانت فائز سعيد
إرسال تعليق